निभा डंगोलकाे चा:बहि दवु सँग सामुहिक प्रस्तुति सहित चा:बहि नख: हुदैँ
काठमाडौँ । श्री गुरू नित्यनाथ मिसा पुच: र चा:बही खल:को संयुक्त आयोजनामा 'चा:बहि नख:' हुने भएको छ । आगामी कात्तिक २४ गते शनिबार चारूमती बहाल परीसरमा 'चा:बहि नख:' सम्पन्न हुन लागेको हो ।
"नेवारी परम्परागत बाजाहरूको समिश्रण एवं ताल र बोलहरूमा गायिका निभा डंगोलले चा:बहि दवु सँग सामुहिक रूपमा प्रस्तुति दिन लागेको", कार्यक्रम संयोजक रूपेश शाक्यले बताउनुभयो ।
परम्परागत रूपमा चल्दै आएको स्थानीय नेवारी भोजका साथै, सांस्कृतिक प्रस्तुतिले दर्शकहरूलाई मनोरञ्जन प्रदान गर्ने, युवा पुस्तामाझ नेवारी परम्परा झल्काउनु नै कार्यक्रमको उद्देश्य रहेको शाक्यले बताउनुभयो ।
"स्थानीय नेवारी भोजलाई विश्वमाझ पुर्याउने उद्देश्यले 'नेवा: झ्व भ्वय् व सांगीतिक ज्या: झ्व ११४५' थिममा रहेर नेवारी परम्परागत (भ्वय्) भोजलाई अगाडि बढाउनुका साथै परम्परागत बाजाहरूमा आधुनिक बाजाहरूको समीश्रण सहित धुन, ताल र बोलमा कार्यक्रममा प्रस्तुति रहने", कार्यक्रम संयोजक चन्द्रमान श्रेष्ठले बताउनुभयो ।
उहाँले, 'नेवारी भोजका र कार्यक्रमका लागि प्रतिब्यक्ति एक हजार रूपैयाँ तोकिएको छ ।'
कार्यक्रममा विभिन्न बाजा खल र पुच:हरूको सामुहिक प्रस्तुति समेत रहेको छ । अनेकौं विशेषताले भरिएको चावहिल क्षेत्रमा गणेस्थान जात्रा नजिकिएको छ ।
