एभरेष्ट बैंकद्वारा सिएसआ अन्तर्गत सरस्वती माध्यामिक विद्यालय डकाहालाई आर्थिक सहयोग
काठमाडौँ । एभरेष्ट बैंक लिमिटेडले संस्थागत सामाजिक उत्तरदायित्व अन्तर्गत शिक्षा, स्वास्थ, दैवी प्रकोप व्यवस्थापन, वातावरण संरक्षण, संस्कृतिक प्रवद्र्धन, दर्गम क्षेत्रमा पूवाधार सुधार, सामाजिक रुपले पिछडिएका वर्गको आय आर्जन, वित्तीय साक्षरता, ग्राहक संरक्षण सम्बन्धी कार्यक्रम तथा विभिन्न परोपकारी कार्य गर्दै आईरहेको छ ।
बैंकले एक विशेष समारोहका बिच दुधौली न.पा वडा -४ सिन्धुलीमा अवस्थित श्री सरस्वती माध्यामिक विद्यलाय डकाहालाई सो विद्यालयको खानेपानी व्यवस्थापनार्थ रु १५०,००० आर्थिक सहयोग गरेको छ ।
बैंकका नायब प्रमुख कार्यकारी अधिकृत श्री विजय कुमार शर्माले विद्यालयका सहायक–प्रधानाध्यापक श्री विष्णु प्रसाद सापकोटालाई सो रकम बराबरको चेक हस्तान्तरण गर्नुभयो । यस सहयोगबाट उक्त विद्यालयमा अध्ययन गर्ने बालबालिकाहरुलाई स्वच्छ खानेपानी वितरणमा टेवा पुग्ने र शिक्षादिक्षामा थप सहज हुनेविश्वास बैंकले लिएको छ ।
साथै विद्यालयका सहायक–प्रधानाध्यापक सापकोटाले बैंकको यस सहयोगले विद्यालयको खानेपानीको समस्या तथा समग्र विकासमा उल्लेखनिय भुमिका खेल्नेर आगामी दिनमा समेत यस्तै किसिमको सहयोग अपेक्षा रहेको बताउनु भयो । सो कार्यक्रममा बैंकका बजार तथा संस्थागत निक्षेप विभाग प्रमुख श्री पुष्प राज उप्रेती र समाजिक अभियन्ता श्री जानुका श्रेष्ठको उपस्थिति रहेको थियो ।
स्थापना काल देखिनै ग्राहकहरुको पहिलो रोजाइको यस बैंकमा हालसम्म करिब १३ लाख भन्दा बढी सन्तुष्ट ग्राहकहरु रहेका छन्तथा देशैभरि छरिएर रहेको आफ्नो १२६ शाखा संजाल, ३ एक्सटेन्सन काउण्टर, ७ प्रादेशिक कार्यालय, १६१ एटिएम सहित विश्वव्यापी नेटवर्कबाट अत्याधुनिक मोबाइल, इन्टरनेट र एसम्यास बैकिंग सुबिधा प्रदान गर्दै आइरहेको छ । यस बैंकले नेपाल सरकारको राजस्व संकलनको लागि ३२ वटा संकलन केन्द्रबाट समेत सेवा दिदै आइरहेको छ ।
