ललितपुर । पाटन प्याथ ल्याबको सातौँ वार्षिकोत्सव सम्पन्न भएको छ । आज ल्याबको कार्यकक्षमा आयोजित एक कार्यक्रम बिच वार्षिकोत्सव समारोहमा सम्पन्न गरिएको हो ।
कार्यक्रममा बोल्दै नव-निर्वाचित सांसद उदयशमशेर राणाले, ‘ल्याबले उपलब्ध गराएको सेवाको प्रशंसा गर्दै स्वास्थ्य सेवाको संवेदनशीलतालाई बुझेर काम गर्ने स्वास्थ्यकर्मीहरूलाई शुभकामना दिनुभयो । बढ्दो रोग र सङ्क्रमणलाई ध्यानमा राखेर चिकित्सकहरूले जनस्तरमा पुर्याएको सेवालाई आफूले नजिकबाट बुझेको उहाँले बताउनुभयो ।’
त्यस्तै, डा. महेश दाहालले,’स्वास्थ्य सेवामा लागेर सेवा पुर्याउन पाउँदा आफूहरूलाई ज्यादै सन्तुष्टि मिल्ने बताउनुभयो । उहाँले चिकित्सक तथा नर्सहरूलाई ल्याबले सम्मान गरेकोमा धन्यवाद ब्यक्त गर्नुभयो ।’
ल्याबकी अध्यक्ष बिन्दा शाहीले, ‘सात वर्षसम्म आफूले सिकेको अनुभवका आधारमा ल्याबलाइ अझै व्यवस्थित रूपबाट अगाडि बढाउने लक्ष्य राखेको बताउनुभयो ।’
कार्यक्रमको प्रमुख अतिथीमा रूपमा ललितपुर क्षेत्र नं. १ का प्रतिनिधिसभा सदस्यमा निर्वाचित उदयशमशेर राणा रहनुभएको थियो भने, विशेष अतिथीका रूपमा ललितपुर क्षेत्र नं. १ प्रदेश २ बाट प्रदेशसभा सदस्यमा निर्वाचित मीनकृष्ण महर्जन तथा ललितपुर उपमहानगरपालिकाका मेयर चिरीबाबु महर्जन रहनुभएको थियो ।
त्यस्तै, अतिथीका रूपमा गोदावरी नगरपालिकाका मेयर गजेन्द्र महर्जन र ललितपुर उपमहानगरपालिका वडा नं.५ का वडाध्यक्ष विकासमान श्रेष्ठ रहनु भएको थियो । कार्यक्रममा पाटन प्याथल्याबमा आवद्ध चिकित्सक तथा स्वास्थ्यकर्मीहरूलाई सम्मानपत्रसहित सम्मानित गरिएको थियो ।
