बैतडी : बैतडीको पञ्चेश्वर गाउँपालिका-४ की माया लुहारको हत्या आरोपमा शिवनाथ ४ का सशस्त्र प्रहरी जवानसमेत रहेका भरतराम कोली पक्राउ गरेका छन्। उनलाई प्रहरीको विशेष सुरक्षा टोलीले कञ्चनपुरबाट पक्राउ गरेको प्रदेश प्रहरी कार्यालयका प्रमुख प्रहरी नायब महानिरीक्षक (डीआईजी) मोहनकुमार आचार्यले जानकारी दिए।
यहि मंसिर १३ गते मंगलबार घरबाट माया र नेहा लुगा सिउन भनेर घर नजिकैको कुलाउ बजार गएका थिए। भरतले माया र नेहालाई बोलाएर हत्या गरेको पीडित परिवारको आरोप छ। भरत र मायाबीच पहिलेदेखि प्रेम सम्बन्ध रहेको पीडित परिवारको भनाइ छ।
घाइते नेहाले पनि भरत कोली नै घटनामा संलग्न रहेको बताएकी थिइन्।
