.jpg)
लहान,२ चैत्र । अदालतबाट कैद सजाय पाएर फरार रहेका दुई जनालाई सिरहा प्रहरीले सोमबार साँझ पक्राउ गरेको छ। लामो समयदेखि फरार रहेका सिरहा, लहान नगरपालिका-१९ निवासी २९ वर्षीय मोहमद फिरोज राइन र जमदह गाविस-८ निवासी ३० वर्षीय महादेव यादवलाई पक्राउ गरिएको हो।
दोषी राइनलाई सिरहा अदालतले ज्यान मार्ने उद्योगमा दोषी ठहर गर्दै कैद फैसला सुनाएको थियो भन्ने यादवलाई कुटपिट-अङ्गभङ्ग मुद्दामा तीन महिना कैद सजाय तोकेको थियो। फैसला सँगै दुवै जना फरार रहेका थिए।
प्रहरीले राइनलाई सप्तरीको मौवा गाविस-२ स्थित ससुराली घरबाट तथा यादवलाई सिरहाको गोलबजार नगरपालिका-३ स्थित डेराबाट पक्राउ गरेको सिरहाका प्रहरी उपरीक्षक श्याम ज्ञवालीले जानकारी दिए। दुवै जनालाई जिल्ला अदालत सिरहामा बुझाइने जनाइएको छ। रासस
