सिलिण्डर विष्फोट

मोरङ,२४ पौष । मोरङको वयरवनमा गएराति ग्यास सिलिण्डर विष्फोट हुँदा दुई जना घाइते भएका छन् । घाइतेमध्ये एकको अवस्था गम्भीर रहेको प्रहरीले जनाएको छ । वयरवन ८ स्थित दिवाकर कोइरालाको घरमा रहेको ग्यास डिपोमा गएराति १० बजेतिर ग्यास सिलिण्डर बिस्फोट भई आगलागी भएको थियो । आगलागीमा परी ५५ वर्षीया भद्रकला कोइराला र छिमेकी ३३ वर्षीय नविनकुमार पौडेल घाइते भएका हुन् ।

घाइते मध्ये पौडेलको अवस्था गम्भीर रहेको इलाका प्रहरी कार्यालय पथरीशनिश्चरेले जनाएको छ । घाइते दुवै जनाको धरानस्थित बीपी कोइराला स्वास्थ्य विज्ञान प्रतिष्ठानमा उपचार भइरहेको छ । सो डिपोमा एक÷डेढ सय वटा ग्याँस रहेको पाइएको प्रहरीले जनाएको छ । घटनाबारे अनुसन्धान गर्ने कार्य भइरहेको प्रहरीले
जनाएको छ ।