रौतहट,२४ पौष । रौतहटमा आज बिहान भएको सवारी दुर्घट्नामा १ जनाको मृत्यु भएको छ । पूर्व पश्चिम राजमार्गअन्तर्गत रौतहटको धन्सर पुल नजिकै विराटनगरबाट काठमाडौंका लागि छुटेको ना ५ ख २७२ नम्बरको बसले रोकेर राखेको ना ४ ख १०५९ नम्बरको ट्रकलाई ठक्कर दिंदा दुर्घटना भएको हो ।
तीब्र गतिमा रहेको सो बसले ठक्कर दिंदा बसमा रहेकी रामेछाप चिसापानी २ की २७ वर्षकी मिना तामाङको मृत्यु भएको ईलाका प्रहरी कार्यालय चन्द्रनिगाहपुरले जनाएको छ । गम्भीर घाइते भएकी तामाङ्गको उपचारका क्रममा मृत्यु भएको हो । दुर्घटनामा झापाका ३२ वर्षीय गणेश पंडित, सुनसरी इटहरीका ४५ वर्र्षी मलिन्द्र पोखरेल, हरी बास्कोटा गम्भीर घाइते भएका छन् ।
