यात्रुबाहक बस र स्कूल बस जुध्दा ५ जनाको मृत्यु (अपडेट)

दाङ,२२ पौष । दाङको नारायणपुरको सौराकुलामा आज बिहान यात्रुबाहक बस र स्कूल बस जुध्दा ५ जनाको मृत्यु भएको छ । २९ जना घाइते भएका छन् । तुलसीपुरबाट घोराही जादै गरेको रा १ ज ३७२ नम्बरको माइक्रो बस र विद्यार्थी लिन नारायणपुर गइरहेको  रा १ क १९१ नम्बरको स्कुल बस आज बिहान सवा ९ बजेतिर एक आपसमा ठोक्किएका थिए ।

मृत्यु हुनेमा काभ्रा ६ सल्यानका साँढे २ वर्षीय बालक हेमन्त श्रेष्ठ, दाङ त्रिपुरकी वर्षीया सवनम  अन्सारी, र माईक्रो चालक दाङ मानपुर ७ का २० वर्षीय धनवहादुर थापा छन् । मृतक अन्य दुई महिलाको सनाखत हुन नसकेको प्रहरीले जनाएको छ । बाक्लो कुइरो लागेका कारण सो दुर्घटना भएको प्रहरीको अनुमान छ । घाइतेहरुको राप्ती उपक्षेत्रीय अस्पतालमा उपचार भईरहेको दाङ प्रहरीले जनाएको छ ।