दाङमा स्कुल बस र यात्रुबाहक बस ठोक्किदा तीन जनाको मृत्यु, २८ घाइते

दाङ,२२ पौष । दाङको नारायणपुरमा यात्रुबाहक बस र स्कुल बस एकआपसमा ठोक्किदा तीन जनाको ज्यान गएको छ । दुर्घटनाबाट २८ जना घाइते भएका छन् । घाइतेहरुको राप्ती उपक्षेत्रीय अस्पतालमा उपचार भइरहेको दाङ प्रहरीले जनाएको छ । तुलसीपुरबाट घोराही तर्फ छुटेको रा १ ज ३७२ नम्बरको माइक्रो बस र विद्यार्थी लिन नारायणपुर गइरहेको  रा १ क १९१ नम्बरको स्कुल बस आज बिहान सवा ९ बजेतिर नारायणपुरको सौडिकुलामा एक आपसमा ठोक्किएको थियो । दुर्घटनामा परी ज्यान गुमाउनेहरुको सनाखत भईनसकेको जिल्ला प्रहरीले कार्यालय दाङले जनाएको छ ।  बाक्लो कुइरो लागेका कारण उक्त दुर्घटना भएको हुन सक्ने प्रहरीको अनुमान छ ।