काठमाडौं, २२ पौष ।
सभामुख ओनसरी घर्ती मगर र एकीकृत माओवादीका अध्यक्ष पुष्पकमल दाहाल आज थाइल्याण्ड जाँदै हुनुहुन्छ । थाइल्यान्डमा उपचाररत एमाओवादीका सचिव वर्षमान पुनको स्वास्थ्य अवस्थाबारे जानकारी लिन उहाँहरु बिहान साढे ११ बजे नेपाल एयरलाइन्सको विमानमार्फत त्यसतर्फ जाने कार्यक्रम छ ।
उपचाररत पुन सभामुख घर्तीका श्रीमान् हुनुहुन्छ । यसअघि पुनको भारतको मेदान्त अस्पतालमा उपचार गराए पनि स्वास्थ्यमा फेरि समस्या आएपछि थप उपचारका लागि थाइल्यान्ड लगिएको हो । सभामुख घर्ती झण्डै एकसाता थाइल्याण्डमै बस्ने बताइएको छ ।
