सिराह,२१ पौष । छुट्टै मधेस देशको अभियान चलाउँदै हिँडेका सिके राउतका ३ जना कार्यकतालाई सिरहा प्रहरीले पक्राउ गरेको छ । सिरहाको लहानस्थित एक विद्यालयमा मधेस नेपालमै राख्ने कि छुट्टै मधेस देश बनाउने भन्ने जनमत संग्रह गर्दै गरेको अवस्थामा चन्द्रेश्वर महतो, विष्णु चौधरी र सुधीप राज कुशवाहलाई पक्राउ गरिएको सिरहाका प्रहरी उपरिक्षक श्याम ज्ञवालीले जानकारी दिनुभयो । उनीहरुमाथि राष्ट्र विप्लबसम्बन्धि मुद्धा चलाइने ज्ञवालीले बताउनुभयो ।
सिरहाका प्रमुख जिल्ला अधिकारी डाक्टर मानबहादुर विकेले देश विखण्डन गर्ने गरी गतिविधि हुनु राज्य विरुद्धको अपराध भएको भन्दै त्यस्ता गतिविधिमा संलग्नलाई पक्राउ गरी कारबाही गरिने बताउनुभयो ।
