मोटरसाइकल दुर्घटनामा दुईको मृत्यु

विराटनगर,२० पौष । मोरङको विराटनगरमा भारतीय लहरीले मोटरसाइकललाई ठक्कर दिँदा दुईजनाको मृत्यु भएको छ । विराटनगरतर्फ गइरहेको भारतीय एमएल ०१ डी ३३३० नम्बरको लहरीले सोही दिशातर्फ गइरहेको को १० प ९६५२ नम्बरको मोटरसाइकललाई गएराति विराटनगरमा ठक्कर दिएको थियो ।

लहरीको ठक्करबाट मोटरसाइकल चालक विराटनगर–१७ का ४५ वर्षीय पवन यादव र सप्तरीका ६० वर्षीय सर्जु यादवको मृत्यु भएको जिल्ला प्रहरी कार्यायल मोरङले जनाएको छ । लहरीको ब्रेक फेल भएर अनियन्त्रित भई सोही दिशामा गइरहेको मोटरसाइललाई ठक्कर दिन पुगेको थियो । लहरीका चाल र सहचालक भने घटना हुना साथ फरार भएका छन् । उनीहरुको खोजी भइरहेको प्रहरीले जनाएको छ ।