दुबईमा भीषण आगलागि

एजेन्सी

काठमाडौं,१७ पौष । संयुक्त अरब इमिरेट्सको दुबइ स्थित एक ६० तले भवनमा भीषण आगलागि भएको छ । सो होटलको २० औं तलाबाट सुरु भएको आगलागिले १४ जना घाइते भएको सरकारी अधिकारीले जनाएको बीबीसीले उल्लेख गरेको छ । संसारकै सबैभन्दा अग्लो भवन, बुर्ज खलिफा, नजीकै रहेको ३०० मिटर अग्लो सो होटलमा लागेको आगोको लप्का हजार फिट माथिसम्म उठेको प्रत्यक्षदर्शीले जनाएका छन ।

नयाँ बर्ष २०१६ मनाउने क्रम सुरु हुँदै गर्दा भएको आगलागिको क्षति विवरण संकलन गर्ने क्रम जारी रहेको अन्तराष्ट्रिय सञ्चारमाध्यमले जनाएका छन । घटनास्थलमा पुगेका थुप्रै दमकलहरुले आगो नियन्त्रणमा लिएका थिए । सो भवनमा विलासी पाँच तारे होटल तथा आवासीय परिसर पनि रहेका छन् ।