निगमले आजबाट १६ लाख लिटर डिजेल वितरण गर्ने

काठमाडौं,१७ पौष । नेपाल आयल निगमले आजबाट देशभर दैनिक १६ लाख लिटर डिजेल वितरण गर्नेभएको छ । पछिल्ला दिनहरुमा केहि सहज मात्रामा इन्धन आयात भइरहेकाले डिजेल वितरणको परिमाण बढाइएको निगमले जनाएको छ । यसअघि निगमले दैनिक ८ देखि ९ लाख लिटरसम्म डिजेल वितरण गर्दै आएको थियो ।

सबैभन्दा बढी पेट्रोल भित्रिने रक्सौल नाका ठप्प रहेकाले पेट्रोल भने अन्य नाकाबाट न्युन मात्रामा भित्रिरहेको निगमका प्रवक्ता मुकुन्द घिमिरेले जानकारी दिनुभयो । उहाँका अनुसार आगामी मंगलबारपछि मात्र निजी सवारीसाधनलाइ इन्धन दिइनेछ । निगमले अहिले भैरहवा र नेपालगंजबाट काठमाण्डौमा बढिमात्रामा इन्धन भित्राउने पहल गरिरहेको प्रवक्ता घिमिरेले जानकारी दिनुभयो ।