काठमाडौं,१७ पौष । नेकपा एमालेबाट गत साता राज्यमन्त्री नियुक्त भएकाहरुलाई प्रधानमन्त्री केपी शर्मा ओलीले आज शपथ ग्रहण गराउने तयारी गर्नुभएको छ । प्रधानमन्त्री केपी ओलीले एमालेका तर्फबाट दामोदर भण्डारी, मञ्जु चौधरी, दिनेशचन्द्र यादव, बलबहादुर महत, दीपनारायण साह र नरदेवी पुनलाई पुष ९ गते राज्यमन्त्री नियुक्त गर्नुभएको थियो ।
उनीहरुलाई आज कार्यविभाजन सहित शपथ ग्रहण गराउने तयारी भइरहेको तर समय यकिन भइनसकेको प्रधानमन्त्रीका प्रेस सल्लाहकार प्रमोद दाहालले जानकारी दिनुभयो । प्रधानमन्त्री कार्यालयले मन्त्रालयको आन्तरिक व्यवस्थापन र प्रधानमन्त्रीको समय अभावका कारण शपथ ग्रहणमा केहि ढिलाइ हुन पुगेको जनाएको छ । तर एमालेभित्र राज्यमन्त्री नियुक्तिका विषयमा नेताबीच कुरा नमिल्दा शपथ ग्रहणमा ढिलाइ भएको टिप्पणी हुने गरेको छ ।
