बसले मोटरसाइकललाई ठक्कर दिंदा २ को मृत्यु

नवलपरासी,१५ पौष । नवलपरासीमा गएराति भएको सवारी दुर्घटनामा दुई जनाको मृत्यु भएको छ । पोखराबाट दिल्ली जाँदै गरेको ना ५ ख ९५२४ नम्बरको बसले मोटरसाइकललाइ ठक्कर दिंदा नवलपरासी मध्यबिन्दु ८ का २८ वर्षीय रबी भण्डारी र सोही स्थानका २५ वर्षीय ओमप्रसाद थारुको मृत्यु भएको हो । बर्दघाटबाट चोरमारातर्फ जाँदै गरेको लु १७ प ९८५ नम्बरको मोटरसाइकललाई सो बसले अरुणाखोला दुम्किवासको बीच जंगलमा ठक्कर दिएको थियो । बस र चालकलाई प्रहरीले नियन्त्रणमा लिएको छ । मृतकको शव पोस्टमार्टमका लागि प्राथमिक स्वास्थ्य केन्द्र चोरमारामा राखिएको छ ।