कमल थापा आज स्वदेश फर्किंदै

काठमाडौं,१४ पौष । चीन भ्रमणमा गएका उपप्रधान एवम् परराष्ट्रमन्त्री कमल थापा आज स्वदेश फर्कंदैहुनुहुन्छ । थापा नेतृत्वको नेपाली प्रतिनिधि मण्डल बिहान ११ बजे त्रिभुवन अन्र्तराष्ट्रिय बिमान स्थल आईपुग्ने उहाँको नीजि सचिवालयले जनाएको छ । चीनको ६ दिने भ्रमणका क्रममा उपप्रधानमन्त्री थापाले चीनियाँ उपराष्ट्रपति, बिदेश मन्त्री लगायत उच्च सरकारी नेतृत्बसंग भेटबार्ता गर्नुभएको थियो ।

भ्रमणका क्रममा चीन र नेपालबीच ब्यापार, ईन्धन, सडक लगायतका महत्वपूर्ण सम्झौता भएको थियो । उहाँले बिहान ११ बजेपछि विमानस्थलमा पत्रकार सम्मेलन गरि आफ्नो भ्रमणबारे जानकारी गराउनुहुनेछ ।