​आगलागीमा परी बालकको मृत्यु

राजविराज, १३ पुस । सप्तरी जिल्लाको सिम्राहा सिग्यौन गाविसमा गएराति आगलागीमा परी एक बालकको मृत्यु भएको छ । सिम्राहा सिंग्यौन १ बस्ने जुक्तिलाल यादबको घरमा आईतबार राती अचानक आगलागी हुँदा घरभित्रै सुतिरहेका उनका १४ वर्षीय नाति राम यादवको जलेर घटनास्थलमै मृत्यु भएको प्रहरीले जनाएको छ ।यादवको घरमा गाई बस्तुका लागि बालेको घुरबाट राती १२ बजेतिर  अचानक आगो सल्किएर आगलागी भएको थियो । आगोमा परेर उनको घर तथा घरभित्र रहेको सम्पूर्ण समानसमेत जल्दा अन्दाजी १० लाख मूल्य बराबरको क्षती भएको छ ।आगोलाई बारुणयन्त्र, स्थानीय गाँउले र प्रहरीको सहयोगमा नियन्त्रणमा लिइएको छ ।