पहिरोमा परि ५० भन्दा बढी बेपत्ता

एजेन्सी

काठमाडौं,१२ पौष । म्यानमारको उत्तरी काचिन प्रान्तमा गएको पहिरोमा परि ५० भन्दा बढि सर्वसाधारण बेपत्ता भएका छन् । काचिन प्रान्तको एक पहाडी ईलाकामा खसेको पहिरोमा परि हराईरहेका मध्ये केहीको शव समेत फेला परेको अधिकारीहरुलाई उदृत गर्दै अन्तर्राष्ट्रिय सञ्चारमाध्यमहरुले जनाएका छन् । पहिरोमा परि दर्जनौ घर पुरिएका छन् । हराईरहेकाहरुको खोजि कार्य तीव्र पारिएको म्यानमारका अधिकारीहरुले बताएका छन् । गत महिना पनि सो स्थानमा गएको पहिरोमा परि कम्तीमा १ सय जनाको मृत्यु भएको थियो ।