विराटनगर, १२ पुस । मोरङको रंगेली ५ मा भएको सडक दुर्घटनामा परेर आज ब्हिान एक जनाको मृत्यु भएको छ । रंगेली–विराटनगर सडक खण्डमा पूर्वबाट पश्चिमतर्फ आउँदै गरेको को ५ प ६७५३ नम्बरको मोटरसाइकल र सोही दिशाबाट आउँदै गरेको को १२ प ६०६ नम्बरको मोटरसाइकल एक आपसमा ठक्कर खाँदा मोरङको दर्वेसा ९ का २५ वर्षीय मनोज कटुवालको मृत्यु भएको प्रहरीले जनाएको छ ।
कटुवाल को १२ प ६०६ नम्बरको मोटरसाइकलको पछाडि सवार थिए । हिजो साँझ भएको दुर्घटनामा परेर गम्भीर घाइते भएका कटुवालको न्यूरो अस्पताल विराटनगरमा उपचारका क्रममा आज ब्हिान २ः३० बजे मृत्यु भएको मोरङ प्रहरीका प्रवक्ता डीएसपी प्रमोद खरेलले बताउनु भयो । दुबै मोटरसाइकल र चालकलाई प्रहरीले नियन्त्रणमा लिएर घटनाको अनुसन्धान सुरु
गरेको छ ।
