​ पेप्सी कम्पनीका प्रमुखको गाडीमा पेट्रोल बम प्रहार

काठमाडौँ, ११ पौष । बहुराष्ट्रिय पेप्सी कम्पनीका प्रमुख कार्यकारी रोहित कोहलीको गाडीमा पेट्रोल बम प्रहार भएको छ । काठमाडौँको गल्फुटारस्थित उहाँको घर अगाडि पार्किङ गरेर राखिएको हुन्डाईको टक्शन गाडीमा पेट्रोल बम प्रहार भएको हो । मोटरसाईकलमा  आएका चारपाँचजनाको अज्ञात समूहले बिहान साढे नौ बजे एक्कासी पेट्रोल बम प्रहार गरी भागेका कोहलीले बताउनुभयो । प्रहरीले घटनाबारे छानबिन भइरहेको जानकारी दिएको छ । कार आगलागीले आंशिक क्षति भएको छ । स्थानीयले आगो लागेको देख्नेवित्तकै निभएका थिए ।