घरमा आगलागि हुँंदा ४ को मृत्यु,६जना घाइते

हुम्ला,९ पौष । हुम्लाको श्रीमष्ठामा एक घरमा आगलागि हुँदा ४ जनाको मृत्यु भएको छ ।  श्रीमष्ठामा सडक निर्माण गर्ने कामदार बसेको खरले छाएको घरमा आगलागी हुँदा अन्य ६ जना घाइते भएको जिल्ला प्रहरी कार्यालयका प्रहरी निरिक्षक ओमप्रकाश यादवले जानकारी दिनुभयो ।  आगलागीमा परेर कालिकोटको लालु गाविसका जया मिजार, नयाँ सुनार, मानबहादुर विक र गगन सुनारको मृत्यु भएको उहाले बताउनुभयो । घाइतेहरु पनि सबै कालीकोटकै रहेका छन् ।

घाइते हुनेहरुमा जसबहादुर सुनार, गोविन्द सुनार, लोकबहादुर सुनार, गोविन्द सुनार, रमेश सार्की र लोग सुनार रहेको प्रहरीले जनाएको छ । बाटो खन्नका लागि कालीकोटबाट पुगेका कामदार श्रीमष्ठा  खरले छाएर अस्थायी घर निर्माण गरेका थिए ।