रौतहट,७ पौष । रौतहटको गौरमा स्थानीय प्रशासनले कर्फयु हटाएको छ । स्थिति केहि शान्त भएको भन्दै प्रशासनले आज बिहान ६ बजेदेखि अर्को सूचना जारी नहुँदासम्मका लागि कर्फयु हटाएको हो । आइतबार गौरको विपीचोकमा प्रर्दशनका क्रममा एक १६ वर्षीया विद्यार्थीको प्रहरीको गोली लागि मृत्यु भएपछि सो क्षेत्र तनावग्रस्तको थियो । स्थिति नियन्त्रण गर्न आइतबार बेलुकादेखि कर्फयु लगाइएको थियो । आज बिहान भने गौरको अवस्था सामान्य रहेको सहकर्मी फणी महतले जनाएका छन् ।
