​कमल थापा आज बेलायत जाँंदै

काठमाडौं,२९ मंसिर । नेपाल बेलायतको दौत्य सम्बन्ध स्थापनाको २ सय वर्ष पुगेको अबसरमा बेलायत सरकारले आयोजना गरेको विभिन्न कार्यक्रममा सहभागि हुन उपप्रधान तथा परराष्ट्र मन्त्री कमल थापा साताव्यापी भ्रमणका लागि आज बेलायत जाँंदैछन् । थापा राती नौ बजे कतार एयरबेजको बिमानमार्फत त्यसतर्फ लाग्ने थापा निकट श्रोतले जनाएको छ ।

उपप्रधानमन्त्री थापाले बेलायती विदेश मन्त्रालयले बेलायत नेपाल सम्बन्धका विषयमा आयोजना गरेको विशेष कार्यक्रमा भोली सम्बोधन गर्ने कार्यक्रम रहेको छ । बेलायत बसाईका क्रममा उपप्रधानमन्त्री थापाले गोर्खा सैनिकका साथै त्यहाँं रहेका नेपालीहरुले आयोजना गर्ने विभिन्न कार्यक्रममा सहभागिता जनाउने परराष्ट्र मन्त्रालयले जनाएको छ । त्यस्तै बेलायत सरकारका केही मन्त्री र संसदका प्रतिनिधिहरुसँंंग पनि भेटवार्ता गर्ने बताइएको छ । थापा आगामी पौष ६ गते स्वदेश फर्किनेछन् ।