गुल्मी,२९ मंसिर । गुल्मीको हस्तिचौरमा ट्रयाक्टर दुर्घटना हुँदा ४ जनाको मृत्यु भएको छ । सदरमुकाम तम्घासबाट खुद्रा सामान बोकेर हस्तिचौर जाँंदै गरेको लु २ त ४८३१ नम्बरको ट्रयाक्टर हस्तिचौर–३ कालाखोलामा दुर्घटना हुँदा अर्का १ जना घाइते भएका छन् । दुर्घटनामा ट्रयाक्टर चालक हस्तिचौर–६ का वैकुण्ठ बहादुर मुखिया तथा हस्तिचौर–३ का तिर्थ बहादुर खत्री, चन्द्र बहादुर कुँवर र जुद्ध मुखियाको मृत्यु भएको जिल्ला प्रहरी कार्यालय गुल्मीले जनाएको छ । घाइतेको जिल्ला अस्पताल तम्घासमा उपचार भइरहेको छ । दूर्घटनाको कारण खुल्न नसकेको प्रहरीको भनाई छ ।
