सुवास योञ्जन
.jpg)
चरीकोट २८ मंसिर । नेपाली कांग्रेसका केन्द्रिय सदस्य चन्द्र भण्डारीले पार्र्टीको नेतृत्व युवा पंक्तिलाई सुम्पिनु पर्ने बताएका छन् । आगामी महाधिवेशनलाई लक्षित गरी देश दौडाहामा निस्किएका नेता भण्डारीले पार्टीको नेतृत्व सधै विचार र दृष्टिकोणले नभई गुठले जित्ने गर्दा कांग्रेसमा युवा नेतृत्वहरु पछाडी परेको बताउँंदै अब नेतृत्व युवाहरुलाई सुम्पिनु पर्ने बताए ।
नेता भण्डारीले देशको नेतृत्व गर्ने जिम्मेवारी युवा पुस्तालाई नदिएसम्म देशमा विभिन्न किसिमका समस्याहरु आइरहने भन्दै समस्या समधानका लागि युवाहरु अघि बढ्नु पर्ने बताए । महाधिवेशनलाई ध्यानमा राखि पार्र्टीका कार्यकर्ताहरुलाई भेटघाट गर्दै हिड्ने क्रममा सोमबार रामेछापबाट दोलखा आएका नेता भण्डारीले कार्यकर्ता भेटघाटको क्रममा भारतले गरेको नाकाबन्दीको शिर्षनेताहरुकै कारण समधान हुन नसकेको बताए । चुनावी प्रचारप्रसार गर्दै केन्द्रिय सदस्यहरु एनपी साउँंद र महेश घिमिरे पनि उनीसँंगै आएका थिए।
