काठमाडौं,२४ मंसिर । राजधानीको जोरपाटीमा ट्रिपरको ठक्करबाट स्कुटरमा सवार एक युवतीको घटनास्थलमै मृत्यु भएको छ । स्कुटर चालक एक पुरुष गम्भीर घाइते भएका छन् । बा७०प ८२२५ नम्बरको स्कूटरलाई ना१ख ८९०० नम्बरको ट्रिपरले ठक्कर दिएको हो । जोरपाटी चोकमा स्कूटीले ट्याक्सीलाई ओभरटेक गर्न खोज्दा उक्त दुर्घटना भएको हो । दुर्घटनामा स्कूटीको पछाडी बस्ने युवतीको मृत्यु भएको हो । यस्तै मूलपानीको गोकर्ण फरेस्ट रिसोर्ट अगाडि माइक्रोबस दुर्घटना हुँदा सवारी धनीको मृत्यु भएको छ ।
सवारीको ढोकामा बसेर पैसा उठाइरहेका सबारी धनीको मृत्यु भएको हो । तिब्र गतिमा रहेको माइक्रो थलीको ओरालोमा ब्रेक फेल हुँदा अनियन्त्रित भइ दुर्घटना भएको बौद्ध प्रहरी बृत्तका उपरीक्षक नरहरी रेग्मीले जानकारी दिए । दुबै दुर्घटनाको सम्बन्धमा प्रहरीले आवश्यक अनुसन्धान गरिरहेको छ ।
