काठमाडौं,२४ मंसिर । रोल्पामा जीप दुर्घटना हुँदा दुई जनाको मृत्यु भएको छ भने १२ जना घाइते भएका छन्। पूर्वी सुलिचौरबाट पाङ गाविसतर्फ गइरहेको लु १ प ५६२५ नम्बरको जीप हिजो साँझ सडकबाट करीब ५० मिटर तल खसेको प्रहरीले जनाएको छ । दुर्घटनामा गुम्चाल ४ का २५ वर्षीय सेतु पुन र पाङ ९ का १७ वर्षीइ गणबीर खत्रीको मृत्यु भएको इलाका प्रहरी कार्यालय सुलिचौरले जनाएको छ ।
दुर्घटनाको आधा घण्टापछि घटनास्थल पुगेका स्थानीयवासिन्दा र प्रहरीले घाइतेहरुको उद्दार गरेका थिए । स्थानिय सुलिचौर स्वास्थ्य केन्द्रमा प्राथमिक उपचारपछि घाइतेहरु घर फर्किएका छन् । सडक अप्ठ्यारो भएकाले दुर्घटना भएकोे प्रहरीको अनुमान छ । जीपका चालक फरार छन् ।
