काठमाडौं, २० मंसिर । अन्नपूर्ण पोस्ट् दैनिकको शनिबारको अंक अज्ञात समूहले जलाइदिएका छन्। राजधानीको ठमेल/सोह्रखुट्टेमा बिक्रिवितरणका लागि राखिएको पत्रिका आगो लगाएर जलाइदिएका हुन्।विक्रीकालागि राखिएको करीब ३ सय पत्रिका अज्ञात समूहले चौरीमा लगेर जलाइ दिएको अन्नपूर्ण पोस्ट्का डिस्प्याच इन्चार्ज रमेश अधिकारीले जानकारी दिए।
उनले भने, ' करीब ४ बजेतिर विक्रेता पुग्दा पत्रिका नभएपछि वरपर खोज्दै जाँदा केही पर चौरमा पत्रिका जलिरहेको भेटियो। पत्रिका जलिरहेको स्थानमा कोही पनि व्यक्ति नभेटिएपछि पत्रिका कस्ले जलायो भन्न सकिएको छैन।'। पत्रिका ओराल्ने ठाउँभन्दा केही पर चौरीमा लगेर पुरै जलाएको अवस्थामा भेटिएको छ। अधिकारीका अनुसार पत्रिका जलाइएकोबारे प्रहरीमा खबर गरिसकेको र पत्रिका जलाउनेको खोजी गर्ने आश्वासन दिएको बताए।
