एजेन्सी, १८ मंसिर । कोपा डेल रे फुटबल प्रतियोगिता अन्र्तगत गएराती सम्पन्न खेलहरुमा बार्सिलोना र रियल मड्रिड बिजयी भएका छन् । गएराती सम्पन्न पहिलो खेलमा बार्साले भियानो भेन्सलाई ६–१ गोलको फराकिलो अन्तरले पराजित गर्दै प्रतियोगिताको प्रि क्बाटर फाईनलमा प्रबेश गरेको छ । बार्साको जितमा सान्दो रामि रेजले ह्याट्रिक गरेका थिए । त्यस्तै गएराती नै सम्पन्न अर्को खेलमा रियल मड्रिडले काडिजलाई ३–१ गोलअन्तरले हराएको छ । काडिजको घरेलु मैदानमा सम्पन्न खेलमा रियललाई विजयी गराउन इस्कोले २ तथा चेरि सेभले १ गोल गरेका थिए । जितपछि पनि रियलको अघिल्लो चरणमा प्रबेश गर्ने सम्भाबना अनिश्चित छ । रियलले प्रतिबन्धका बाबजुत पनि स्टाईकर चेरि सेभलाई सो खेलमा खेलाएको आरोप लागेपछि रियलको अघिल्लो यात्रा अनिश्चत बनेको हो ।
