काठमाडौं,१४ मंसिर । भारतले गरेको नाकाबन्दीबिरुद्ध आज दिउँसो राजधानीमा मानवसाङ्लो प्रदर्शन गरिदैछ । सिंहदरवारको दक्षिण ढोकादेखि ललितपुरको पुल्चोकस्थित संयुक्त राष्ट्रसंघको कार्यालयसम्म मानवसाङ्लो बनाउन लागिएको राष्ट्रिय स्वाधिनता अभियानका अभियन्ता पेशागत महासंघका प्रेमलकुमार खनालले जानकारी दिनुभयो । दिउसो २ बजेदेखि ३ बजेसम्म आयोजना हुने मानवसाङ्लो निर्माण कार्यक्रममा सहभागी हुन अभियानले आम सर्वसाधारणलाई आग्रह गरेको छ ।
