काठमाडौं,३ मंसिर । कैलालीको धनगढीमा आज स्थानीय हसनपुर युवा क्लब र भारतको भोपाल विश्वविद्यालयबीच अन्तर्राष्ट्रिय मैत्रीपूर्ण फुटबल हुँदैछ । दुबै टिमबाट १९ वर्षमुनीका खेलाडीहरुबीच प्रतिस्पर्धा हुनेछ । खेल अपराह्न ३ बजेदेखि क्षेत्रीय रङ्गशालामा हुने जनाइएको छ ।
खेलाडीहरुको खेलमा दक्षता अभिवृद्धि गर्ने उद्देश्यका साथ मैत्रीपूर्ण फुटबल प्रतियोगिताको आयोजना गर्न लागेको आयोजक हसनपुर युवा क्लबले जनाएको छ । होम एण्ड अवे संरचनामा हुने मैत्रीपूर्ण प्रतियोगितामा अर्को खेल भारतमा हुने आयोजक क्लबका अध्यक्ष कृष्ण देउवाले जानकारी दिनुभयो ।
