सुनसरी,३० कार्तिक । सुनसरीको धरानस्थित कोशी राजमार्गमा गएराति दुई वटा मोटरसाइकल आपसमा ठोक्किदा २ जनाको घटनास्थलमै मृत्यु भएको छ । दुर्घटनामा परी एक जना गम्भिर घाइते भएका छन् । धरानबाट इटहरीतर्फ आउँदै गरेको को ६ प २५६४ नम्बरको मोटरसाइकल र विपरीत दिशाबाट जाँदै गरेको को ९ प ९२९ नम्बरको मोटरसाईकल गएराती १० बजे आपसमा ठोक्किँदा दुर्घटना भएको प्रहरीले जनाएको छ । दुर्घटनामा परी मृत्यु हुने र घाईते हुनेहरुको पहिचान भईनसकेको धरान प्रहरीले जानकारी दिएको छ । गम्भिर घाइते भएकाको धरान स्थित बीपी कोईराला स्वास्थ्य बिज्ञान प्रतिष्ठानमा उपचार भईरहेको छ ।
