बिहारमा निर्वाचनको मतगणना सुरु

काठमाडौं,२२ कार्तिक । भारतको बिहारमा सम्पन्न निर्बाचनको मतगणनामा नितिश कुमार र लालु यादबको गठबन्धनले बहुमत प्राप्त गर्ने निश्चितप्राय भएको छ । कुल २ सय ४३ सिटको लागि भएको निर्बाचनमा नितिश लालुको गठबन्धन अधिकांश स्थानमा जित नजिक पुगेको भारतिय सञ्चार माध्यमहरुले जनाएका छन् । केहि मतगणना बाँकि नै रहदाँ मोदिको गठबन्धन अल्पमतमा परेको हो ।

 बिहारमा बहुमतीय सत्ता चलाउन १ सय २२ सिट जित्न आबश्यक रहेको छ । मतगणनाको पहिलो चरण सकिदा लालु नितिशको गठबन्धनले १ सय ३९ स्थानमा अग्रता लिएको छ । त्यस्तै प्रधानमन्त्री नरेन्द्र मोदिको सत्तारुढ गठबन्धनले ९२ र अन्य दलहरुले ९ स्थानमा अग्रता बनाएको भारतिय सञ्चारमाध्यमहरुले जनाएका छन् । बिद्युतिय मतदान भएकाले सम्पूर्ण मत परिणाम आजै आइसक्ने बताइएको छ ।