काठमाडौं,२० कार्तिक । चर्चित बेलायती फुटबल खेलाडी डेभिड ब्याकहम काठमाडौं आएका छन । बिबिसिको डकुमेन्ट्री छायांकनका लागि उनी नेपाल आएका हुन । उनले भक्तपुर दरबार स्क्वायर गएर डकुमेन्ट्रीको छायांकन गर्नेछन । यस्तै भक्तपुरकै टौमढीमा स्थानीय बालबालिकाहरूसँग टोकन म्याच खेल्ने कार्यक्रम पनि रहेको छ ।
त्यसपछि गौशालास्थित होटल द्वारिकामा आराम गर्नेछन् र भोलि शनिबार उनी नेपाल छाड्ने कार्यक्रम रहेको छ । पपुवा न्युगिनीबाट बेकह्याम काठमाडौं आएका हुन् ।
