धुन्चे (रसुवा), २० कात्तिक । माछा मार्न नदीमा गएका एक व्यक्ति आज बिहान त्रिशूली नदीमा बेपत्ता भएका छन् । जिल्ला प्रहरी प्रमुख अवदेश विष्टका अनुसार लहरपौवा–१ निवासी २८ वर्षीय रामचन्द्र नेपाली बेपत्ता भएका हुन् ।
लहरेपौवा गाविसको फलाखुको दोभान उत्तरगया त्रिवेणी घाटबाट त्रिशूली नदीमा परी उनी बेपत्ता भएका हुन् । माछा मार्न भनी गएका रामचन्द्र ढुङ्गामा चिप्लिएर नदीमा परेको हुन सक्ने अनुमान गरिएको छ । उनको खोजी कार्य अगाडि बढाइसकेको प्रहरीले जनाएको छ । रासस
