काठमाडौं,१८ कार्तिक । रसुवाको ग्राङ्भिरमा हिजो भएको बस दुर्घटनामा मृत्यु हुनेको संख्या ३६ पुगेको छ । सो दुर्घंटनामा हिजो नै ३६ जनाको मृत्यु भएकोमा त्रिवि शिक्षण अस्पताल महाराजगञ्जमा उपाचारका क्रममा आज विहान एक जनाको मृत्यु भएको हो ।
मृतक पुरुषको पहिचान भने खुलेको छैन । क्षमता भन्दा धेरै यात्रुबोकेर काठमाण्डौबाट रसुवाको चिलिमेतर्फ गइरहेको ना ३ ख ५७०६ नम्बरको बस हिजो दिउसो १ बजेतिर त्रिशुली धुन्चे सडक खण्डमा पर्ने ग्राङ्भिरमा सडकबाट २ सय मिटर तल खसेको थियो । सो दुर्घटनामा २९ जनाको घटनास्थलमै, नुवाकोट जिल्ला अस्पतालमा ५ जना र रसुवा अस्पताल लैजादै गर्दा बाटैमा १ जनाको मृत्यु भएको थियो । दुर्घटनामा ५३ जना घाइते भएका थिए ।
उनिहरुको काठमाण्डौ, रसुवा र नुवाकोटमा अस्पतालहरुमा उपचार भइरहेको छ । सनाखत नभएका मृतक ३० जनाको शव रसुवा अस्पतालमा पोष्टमार्टमको तयारी भइरहेको सहकर्मी देवचन्द्र भट्टले बताएका छन् ।
