बस दुर्घटना, कम्तिमा २ को मृत्यु

देवचन्द्र भट्ट

नुवाकोट,१७ कार्तिक  काठमाडौबाट नुवकोटको विदुर हुँदै रसुवाको चिलिमेतर्फ जाँदै गरेको यात्रु बस मंगलबार दिउँसो रसुवाको राम्चे गाविसको ग्राङमा दुर्घटनाग्रस्त भएको छ ।
७० यात्रु बोकेर काठमाडौंबाट नुवाकोटको विदुर हुँदै रसुवाको चिलिमेतर्फ गइरहेको ना३ख ७५७०६ नम्बरको बस सडकबाट करिब २ सय मिटर तल खस्दा कम्तिमा २ यात्रुको मृत्यु भएको छ ।
पहिरोग्रस्त र कच्ची सडकबाट २ सय मिटर तल झरेर दुर्घटनाग्रस्त भएको बसबाट मृत्यु भएका र घाइतेहरुको उद्धार भइरहेको रसुवाका प्रमुख जिल्ला अधिकारी शिवराम गेलालले जानकारी दिए ।
बसको भित्र र बाहिर गरेर कम्तिमा पनि ७० जना यात्रु सवार रहेका बताइएको छ । प्रत्यक्षदर्शीका अनुसार दुर्घटनास्थलमा ५ देखि ७ वटा शव देखिएपनि मृतकहरुको संख्या एकिन भइसकेको छैन ।