काठमाडौं,२६ असोज । एमाओवादी उपाध्यक्ष नारायणकाजी श्रेष्ठ आज चीनको राजधानी बेइजिङ जाने भएका छन् । चिनियाँ कम्युनिस्ट पार्टीको विदेश विभागद्वारा आयोजित ‘सिल्क रोड’ सम्बन्धी एसियाली राजनीतिक दलहरूको विशेष सम्मेलनमा सहभागिताका लागि उहाँ १० बजेपछि त्यसतर्फ जान लाग्नुभएको हो । यसअघि सम्मेलनमा सहभागिताका साथै उच्चस्तरीय राजनीतिक भेटघाट गर्ने गरी अध्यक्ष पुष्पकमल दाहाल नै चीन जाने कार्यक्रम तय भएको थियो । तर मुलुकभित्र सत्ता साझेदारीको छलफल चलेकाले उहाँले श्रेष्ठलाई पठाउन लाग्नुभएके हो ।
