काठमाडौं,२० असोज । एमाओवादी अध्यक्ष पुष्पकमल दाहालले एमालेको नेतृत्वमा काँग्रेस समेतको सहभागितामा नयाँ सरकार गठन हुने दावी गर्नुभएको छ । सुनसरीको इटहरीमा हुने कार्यकर्ता प्रशिक्षणमा सहभागी हुन त्यसतर्फ जाने क्रममा आज विराटनगर विमानस्थलमा सञ्चारकर्मी सामु अध्यक्ष दाहालले अहिलेको जटिल परिस्थितिमा प्रमुख तीन दलसहितको संयुक्त सरकार गठन गरेर देशलाई समद्धिको बाटोमा लम्काउनुपर्नेमा जोड दिनुभयो ।
तीन दलसहितको गठबन्धनले सहमतिमै जारी गरेको संविधान कार्यान्वयनका लागि पनि प्रमुख दल छुट्टिन नहुने बताउनुभयो । उहाले अहिले भारतले गरिरहेको नाकाबन्दी अन्तर्राष्ट्रिय कानुन विपरीत भएको जनाउँदै भूपरिवेष्ठित मुलुकको पारवहन अधिकारलाई भारतले कुनैपनि हालतमा कटौती गर्न नहुनेमा जोड दिनुभएको छ । अध्यक्ष दाहालले मधेशी मोर्चासँको जारी वार्तालाई निश्कर्षमा पु¥याएर मधेशका मागको सम्बोधन हुने पनि बताउनृु भएको छ ।
