काठमाडौं,१९ असोज । तराईका जिल्लामा आज जितिया पर्व सम्पन्न हुँदैछ । आइतबारदेखि सुरु भएको जितिया पर्व ब्रतालुहरुले आज बिहान जीतमहानको पूजाअर्चना गरी समापन गर्दैछन् । मैथिली र थारु समुदायका महिलाहरुले तीन दिन अघि सुरु गरेको यो ब्रत आज फलफूल र मिष्ठान्न भोजन गरी समापन गर्नेछन् । आश्विन कृष्णपक्ष सप्तमी, अष्टमी र नवमी तिथिमा विवाहिता नारीले जीतमहानको पूजा गर्दा सन्तानको लामो आयु हुनुका साथै हरेक कुरामा विजय प्राप्त गर्न सक्छन भन्ने धार्मिक विश्वास रहि आएको छ ।
