सुरेन्द्र काफले
नेपालगन्ज,१४ असोज नेपालपक्षले पेट्रोलियम पदार्थ नछोडेसम्म कुहिने सड्ने बस्तु नभित्र्याउने भएपछि विहीबार विहान कुनै पनि मालवाहक गाडी नेपालगन्ज रुपेडिया नाकाबाट भित्रिएका छैनन् ।
नाकामा कुनै अवरोध नभएपनि सामान नभित्रिएको इलाका प्रहरी कार्यालय जमुनाहाले जनाएको छ ।अटोरिक्सा, साइकल, मोटरसाइकल भने निर्वाध आवत आवतजावत भइरहेका छन् । बुधबार पनि तरकारी फलफुल लगायतका कुहिने र सड्न बस्तु रोकेपछि बेलुका ५ वटा पेट्रोलियम पदार्थका गाडी नेपालगन्ज रुपेडिया नाकाबाट भित्रिएका थिए ।
अहिले १५ वटा पेट्रोल, २८ वटा डिजेल र २२ वटा ग्यास बुलेटलगायत ६५ पेट्रोलियम गाडीहरु भारतमै रोकिइरहेको आयल निगम क्षेत्रीय प्रमुख श्री चन्द श्रेष्ठले जानकारी दिए ।
