सिन्धुपाल्चोक,५ असोज । सिन्धुपाल्चोकको ठोकर्पा प्रहरी चौकीमा कार्यरत प्रहरी जवानको आफ्नै सहकर्मीले चलाएको गोली लागी मृत्यु भएको छ । राती ड्यूटीमा बसिरहेका बेला प्रहरी जवान सिन्धुपाल्चोक सुनखानी गाविसका अशोक बरालले थ्री नट थ्री राईफलबाट गोली प्रहार गरी चौकीमै कार्यरत जवान कुन्चोकका रेशम थापाको मृत्यु भएको जिल्ला प्रहरी कार्यालय सिन्धुपाल्चोकका प्रहरी नायव उपरिक्षक विश्व अधिकारीलाई उद्धृत गर्दै सहकर्मी युवराज पुरीले जनाएका छन् । घटनापछि अभियुक्त प्रहरी जवान बराल प्रहरी पोशाकमा नै फरार भएका छन् । व्यक्तिगत रिसीबीका कारण घटना भएको हुन् सक्ने प्रहरीको प्रारम्भिक अनुमान छ ।
