तुइनबाट त्रिशुलीमा खसे सन्तबहादुर

शिबप्रसाद उप्रेती

गोरखा,२९ भदौ । : तरकारी बेच्न चितवनको मुग्लिन जाँदै गरेका गोरखाका एक कृषक तुइनबाट त्रिशुलीमा खसेका छन् ।मंगलबार बिहान तरकारी बोकेर तुइनमा त्रिशुली तर्दै गर्दा गोरखाको भुम्लिचोक–७ का कृषक सन्तबहादुर चेपाङ गोरखाको हुक्दी खोलास्थित त्रिशुलीमा खसेका हुन् । त्रिशुलीमा खसेका उनलाई स्थानीयले उद्धार गरी बचाएका छन् । तुइनबाट खसेका उनको ढाड भाँचिएपछि उपचारका लागि काठमाडौं लगिएको छ । ढाड भाँचिएर गम्भीर भएका उनको अहिले काठमाडौंको सिनामंगलस्थित काठमाडौं मेडिकल कलेजमा उपचार भइरहेको छ ।