काठमाडौं,२९ भदौ । रेडबुल राष्ट्रिय लिग फुटबलअन्तर्गत आज शसस्त्र प्रहरीको एपिएफ र थ्रीस्टारबीच प्रतिस्पर्धा हुँंदैछ । खेल सातदोबाटोस्थित एन्फा टेक्निकल सेन्टरको खेल मैदानमा दिउँंसो साढे ३ बजे सुरु हुनेछ । अंक तालिकाको दोश्रो स्थानमा रहेको एपिएफ, आजको खेल जित्दै शिर्ष स्थानमा उक्लने लक्ष्यका साथ मैदान उत्रनेछ ।
शिर्षस्थानमा रहेको झापा ११ भन्दा १ अंक पछि रहेको एपिएफको सात खेलबाट १४ अंक छ । यता पाँचौ स्थानमा रहेको थ्रीस्टार क्लब पनि आजको खेल जित्दै तेश्रो स्थानमा उक्लने दाउमा रहेको छ । उसको ७ खेलबाट ११ अंक छ । यसअघि हिजो सम्पन्न खेलमा मनाङ मस्र्याङदी र नेपाल पुलिसले गोल रहित बराबरी खेल्दै अंक बाढेका थिए ।
