सिराह,२२ भदौ । लगातारको बन्दका कारण बीचबाटोमै अलपत्र परेका ५ सयभन्दा बढी सवारी प्रहरीले एस्कटिङ गरी गन्तब्यतर्फ पठाएको छ । सिराहको बन्दिपुर र विराटनगरमा अलपत्र परेका ती सवारी साधनहरुलाई प्रहरीले गएराती एस्कटिङ गरि सुरक्षित गन्तव्यतर्फ पठाएको हो ।
प्रहरीले १ सय ८३ वटा बस, १ सय ९३ बटा मालबहाक ट्रक तथा १ सय २६ बटा कन्टेनर र ४६ वटा साना सबारीसाधनहरुलाई एस्कटिङ गरि गन्त्व्यतर्फ पठाएको प्रहरीले जनाएको छ । यसैबीच विराटनगरमा भने प्रहरीको एस्कटिङकै समयमा एक मालबहाक ट्रकमा बन्दकर्ताहरुले आगजानी गरेका छन् । आगजनी गर्ने समुह भने आगो लगाएर फरार भएका थिए ।
