काठमाडौं,२१ भदौ । काठमाडौंको गोलढुंगामा ९ वर्षीय बालकको हत्या भएको छ । नुवाकोट ओखरपौवा घर भइ हाल गोलढुंगा बस्दै आएका ९ वर्षीय मन्दीप घिमिरे शनिबार घरबाट घुम्न निस्केकोमा नफर्किएपछि परिवार र छिमेकीले खोज्ने क्रममा मृत फेला परेका हुन् ।
तारकेश्वर नगरपालिका ८ भ्यू टावर नजिकै उनको हातखुट्टा बांधिएको अवस्थामा शव भेटिएको प्रहरीले जनाएको छ । हाल बालकको शवलाइ पोष्टमार्टमका लागि शिक्षण अस्पताल महाराजगंज ल्याइएको छ । घटनाबारे अनुसन्धान भइरहेको प्रहरीले जनाएको छ ।
