काठमाडौं,२० भदौ । करिब एक वर्ष अघि रौतहटको चन्द्रनिगाहापुर स्थित एसबीआई बैंकबाट २० लाख रुपैयाँ लुटेर फरार भएका मध्ये एकजनालाई प्रहरीले पक्राउ गरेको छ । प्रहरीले बंैक लुटेर फरार मकवानपुरको हाँडीखोलाका सन्तकुमार थिङलाई पक्राउ गरेको हो ।
गत मंसिर २ गते चपुरस्थित एसबीआई बैंकबाट २० लाख रुपैयाँ निकालेर आईडी बैंकले लैजान लागेको अवस्थामा हतियारधारी समूहले लुटेको थियो । थिङलाई जिल्ला प्रहरी कार्यालयले बसामाडीबाट पक्राउ गरेको मकवानपुरका प्रहरी प्रबक्ता डीएस्पी शिशु शर्माले जानकारी दिनुभयो ।
