काठमाडौं,१७ साउन । अन्तराष्ट्रिय मान्यता प्राप्त नेपाल ओलम्पिक कमिटी एन ओ सी को निर्वाचन आज हुँंदै छ । कमिटीको कार्यालय सातदोबाटोमा अहिले केहिबेरपछि हुने निर्वाचनमा अध्यक्ष, महासचिव, ९ सदस्य पदका लागि प्रतिस्पर्धा हुने छ । अध्यक्ष पदका लागि उपाध्यक्ष उमेशलाल श्रेष्ठ र वर्तमान महासचिव जीवनराम श्रेष्ठ चुनावी मैदानमा हुनुहुन्छ । ४ उपाध्यक्ष र १ कोषाध्यक्ष भने निर्विरोध निर्वाचित भएका छन् ।
उपाध्यक्षमा ज्योति राणा, पुरेन्द्र विक्रम लाखे, धिरेन्द्र प्रधान र राजेन्द्र वान्तवा तथा कोषाध्यक्षमा रतन टण्डन निर्विरोध निर्वाचित हुनुभएको हो । महासचिव पदका लागि भने टेन्डि शेर्पा, छिमि उर्गेन गुरुङ र दिपराज गुरुङबिच प्रतिस्र्धा हुदैछ । ९ जना सदस्यका लागि भने ११ जनाको उम्मेद्वारी परेको छ । यसअघि गत २१ गतेका लागि तोकिएको चुनवाी साधारण सभा विधि र प्रक्रिया नपुगेको भन्दै स्थगित भएको थियो ।
