काठमाडौं,१६ भदौ । चिकित्सा क्षेत्रलाई सुधारको माग गर्दै अनसनरत डा. गोविन्द केसीलाई समर्थन जनाउँंदै शिक्षण अस्पतालका आवसीय चिकित्सक तथा चिकित्साशास्त्र अध्ययन संस्थानका विद्यार्थीहरुले आज प्रदर्शन गर्ने भएका छन् । डा. केसीको माग सम्बोधन गर्न सरकारले चासो नदेखाएको भन्दै आवसीय चिकित्सक र विद्यार्थीहरुले राजधानीमा प्रदर्शन गर्न लागेका हुन् ।
बिहान १० बजेपछि माइतीघर मण्डलादेखि बानेश्वरसम्म शान्तिपूर्ण ¥याली निकाल्ने संस्थानका विद्यार्थी सुमन सापकोटाले जानकारी दिनुभयो । डा. केसीको आन्दोलनलाई समर्थन जनाउदै आवसीय चिकित्सक र विद्यार्थीहरुले यसअघि देखि नै अस्पतालमा आकस्मिक बाहेकका सबै सेवा ठप्प पारेर रिले अनसन सुरु गरीसकेका छन् ।
चिकित्सा क्षेत्रको सुधारका लागि माथेमा कार्यदलको सुझाव कार्यन्वयनको माग गर्दै डा. केसी छैटौँ पटक आन्दोलनमा बस्नुभएको आज १० दिन हुँदा उहाँंको स्वास्थ्य अवस्था विग्रदै गएको छ ।
